اسلام آباد۔2مئی(اے پی پی) سپیکر قومی اسمبلی سردار ایاز صادق آکھیے آزادی صحافت جمہوریت دی بن??اد اے، ملک دے مثبت تشخص کوں اجاگر کرݨ تے ھک باخبر معاشرے دی تشکیل اچ صحافتی برادری دا کردار کلیدی اہمیت دا حامل ہوندے ، آئین پ??کس??ان آزادی اظہار رائے دی ضمانت ݙیندے ۔ اے ڳالھ انہاں آزادی صحافت دے جڳ ݙیھاڑ تے آکھی جیڑھا ہر سال ترائے مئی کوں اقوام متحدہ دے اہتمام نال پوری دنیا اچ منایا ویندے ۔سپیکر قومی اسمبلی آکھیے پارلیمان دی پریس گیلری اچ موجود صحافی حضرات ایوان اچ تھیوݨ آلی قانون سازی اتے کارروائی کوں عوام تئیں پڄاوݨ اچ کلیدی کردار نبھیندن ۔ انہاں مزید آکھیے آزادی اظہار رائے اتے حقائق اتے سچ سامݨے گھن آوݨ سانڳے صحافی حضر??ت ناقابل فراموش قربانیاں پیش کیتن۔ انہاں آکھیے ھک باشعور، تعلیم یافتہ اتے باخبر معاشرے دی تشکیل اچ میڈیا دا کردار اہم اے۔ سپیکر قومی اسمبلی دا آکھݨ ہئی جو صحافی حضرات اپݨی جان دی پرواہ کیتے بغیر حقائق کوں سامݨے گھن آوݨ سانڳے شورش زدہ علاقیں اچ آپݨے فرائض انجام ݙیندن ۔ انہاں مزید آکھیے فلسطین، مقبوضہ کشمیرتے ٻئے شورش زدہ علاقیں اچ پیشہ ورانہ فرائض پورے کرݨ آلے صحافی حضرات کوں سلام پیش کرینداں ۔ سپیکر قومی اسمبلی آکھیے ہرسال دنیا اچ صحافیاں دی ھک وݙی تعداد آپݨے پیشہ ورانہ فرائض دی انجام دہی اچ شہید تھی ویندی اے جیڑھا جو قابل مذمت اے۔سپیکرقومی اسمبلی مزید آکھیے پ??کس??ان دی پارلیمان آزادی صحافت تے مکمل یقین رکھیندی اے تے صحافی برادری دے حقوق دے تحفظ سانڳے موثر قانون سازی کرݨ سانڳے پرعزم اے۔ انہاں آکھیے پ??کس??ان دی پارلیمان رائٹ آف ایکسس ٹوانفارمیشن ایکٹ 2017 منظور کرتے عوام کوں معلومات تئیں رسائی دا حق ݙتے۔ سپیکرقومی اسمبلی پاک بھارت کشیدگی دے تناظراچ پ??کس??انی میڈیا دے کردار دی تعریف کریندے آکھیے پ??کس??انی صحافتی برادری غیر معمولی پیشہ ورانہ سنجیدگی اتے حب الوطنی دا مظاہرہ کریندے حقائق تے مبنی رپورٹنگ دے ذریعے عالمی برادری دے سامنے بھارت دا اصل چہرہ بے نقاب کیتے۔
